幸福堂 (已結業)

難得落尖沙咀，見正版幸福堂開業，一心諗住試下味飲「黑糖珍珠鮮奶」，因為之前飲幸福周末都幾好味，諗住正版幸福堂應該更好😅，明明隔離老虎堂多人買，見幸福堂冇乜人都照試下。睇佢工作人員係鑊Keep 住炒黑糖珍珠，以為會好香黑糖味，結果第一啖飲落去，只有「死甜」，其他珍珠奶茶超甜都總有少少黑糖香味，呢間「幸福堂」（台灣陳家）真係乜都冇🥺🥺🥺⋯⋯以為鮮奶會有基本奶味，反正好多間用日本明治奶，但我冇留意佢用乜嘢牌子鮮奶，總之就冇奶味，只有大大舊冰，配硬得嚟冇乜味又唔算好食嘅「珍珠」，平日我好少浪費食物，但今次我好努力咁飲咗半杯，真係頂唔順⋯⋯掉咗🤦🏻‍♀️