越北牛肉粉專門店 (已結業)

好鍾意食越南菜，所以有越南餐廳嘅話我都會去試~但係今次黎到彩頤花園呢度間越北牛肉粉，係完全破壞左我對越南菜既感覺😂叫咗生牛肉牛丸湯河粉 ($56) 首先牛肉好肥，其次係個湯係唔熱既，所以啲肥牛就一直都係一個半生半熟既狀態，放落口亦都係韌都咬唔開🤧 最後真係叫佢加番熱啲湯俾我牛丸就正常少少，比較細粒同埋唔算好鮮甜。河粉亦都偏粉，冇咩咬口。加咗越南春卷 ($12) 呢個食落味道就唔錯，材料好夠，味道亦都啱啱好👍🏻 只係生菜唔夠新鮮，好多都爛爛地。我覺得可能係分店問題...