牛一 (利舞臺廣場) (已結業)

一向去開尖沙咀嘅牛一，去到銅鑼灣利舞台諗唔到食咩，見到水牌有牛一就揀佢。點知依家牛一嘅質素比想像中差，不論係食物嘅種類定係食物嘅質素都好似冇尖沙咀分店咁多/好。我地係食定量限時放題，估唔到定量既肉每人咋係得4塊，對上一次係尖沙咀店食都係兩個月前嘅事，印象中啲肉唔止得咁少。🥲 唔知係咪心理因素問題，我覺得牛一比較出色嘅日式咖喱飯都好似無尖沙咀分店咁好食。食完成餐飯唯一覺得比較好嘅地方係佢個乳酪雪糕雪得幾好，啲乳酪雪糕出嚟唔會好淋。可惜佢嘅雪糕配料選擇同樣地係比尖沙咀分店少，連最經典嘅朱古力碎水都冇😭。結論係，之後想食牛一都係去返尖沙咀嗰間。同一價錢來講，食物質素似乎好好多。