日牛涮涮鍋專門店 (已結業)

今次係第一次試，見到最平有69加一任坐4個鐘，諗住幾扺呀，點知啲野食選擇少，比牛一少。yogurt 雪糕得一種，牛一有兩種。呢間仲要冇雪糕，topping 得四種，牛一有多好多，有爆q 都有幾款。丸得三款，腸仔得一種。仲要挾咗條菜，就有隻fly 企上黎。牛肉還可以，爐頭火力夠。但係service 就令人火滚。首先，去攞飛企門口個個人好寸，問佢會等幾耐淨係識黑面咁講唔知，但係另一個女職員就都答都大約要等幾耐。後尾，我地等到耐耐地，唔記得係一人一個鍋，佢就即刻寸返你。好似每一句唔寸你都唔得之後入到去坐，食到尾聲，話三點半last order. 點知連yogurt 雪糕都last order, 15:30去唧雪糕啦，點知連個唧雪糕個抦都拆埋-,-. 冷氣，同埋個電子爐都熄埋，間野話由12點食到4，其實就3點半就趕人走。如果人地係12點坐到3點半就話姐，不過都唔少人兩點之後先入到。仲要間野係有雀仔飛到入黎，我仲見到佢甩毛，唔多衞生下次都係食返牛一算啦，起碼唔熄冷氣，野食選擇都多啲btw 佢有啲好似吉野家啲牛肉，不過冇飯lol