蜀大俠 (已結業)

Book咗7點枱4個，上到去間餐廳得幾枱客，行入去好似審犯咁問有冇book枱，臨時想加多個人已經即刻黑面，而本身都係俾張可以坐6人嘅卡位，唔明加多一個人點解要諗成分鐘，我地再問係未有咪問題又唔撘，感覺成間餐廳冇溝通。坐底後，員工態度好差，d茶飲完叫佢再俾幾次都冇反應。嘢食不過不失，不過全部都好細碟，同價錢唔成正比，響玲完全𣺉嘅，未食就已經𣺉，叫個戴白色眼鏡嘅侍應(全舖頭態度最差)拎幾隻碗，佢反而反白眼問要嚟做咩，態度仲差過茶餐廳。喺book枱已經問清楚冇交枱時間限制，食食下佢問我地洗唔洗加單咁我地就唔洗，佢竟然話即係埋單啦，同佢講book枱時問咗冇交枱時間限制佢竟然話冇咁嘅事。其實有限制食幾耐好平常，不滿嘅係事前事後兩回事。之後佢拎住張單埋嚟就企喺到，食咗咁多嘢想check下單都有問題？總結就係俾錢買難受，就算d嘢食ok但態度咁差都唔會再去。