滷友記 (加路連山道) (已結業)

勁耐冇去過滷友記到食野，今日經過當然要入去刷餐勁嘅😍成年冇黎，但呢間餐廳keep 得勁乾淨。呢樣嘢真係好值得讚！「蒜香炸豆腐😋」呢個豆腐絕對係外脆內軟，豆腐炸到卜卜脆，加埋勁多嘅炸蒜喺上面，成碟豆腐超級惹味。好食到震👍🏻👍🏻👍🏻👍🏻「古法滷水金錢𦟌飯😋」呢個滷水金錢𦟌係餐廳嘅名物之一。金錢𦟌吸晒花椒，八角同滷水嘅味道。吞左之後仲有好香嘅滷水同牛肉味留係口入面。超出色！再加埋咗香濃嘅滷水汁！滋味到爆！👍🏻👍🏻👍🏻👍🏻👍🏻「滷水雙拼小食 ( 豬大腸，金錢肚）🤤」又係一定要食嘅菜式，豬大腸非常入味，但冇覆蓋到佢本身嘅鮮味。金錢肚同樣出色，完全冇牛嘅膻味，但就有好香濃嘅滷水味。呢個真係數一數二咁好食！👍🏻👍🏻👍🏻👍🏻👍🏻「滷友豚三寶飯（五花肉，豬大腸，豬肚）😍」絕對係全豬宴！五花肉入面嘅肥肉同瘦肉比例簡直就係Perfect。口感爽脆，完全唔韌。仲要有陣陣嘅豬肉香味。勁好食！豬肚同豬大腸同樣都係大份又抵食。我真係十級like 👍🏻👍🏻👍🏻👍🏻👍🏻