鮨盛 (已結業)

-茶碗蒸 一入口感非常滑溜🤤配上北海道毛蟹絲襯托茶碗蒸蛋香，感覺更加鮮味-鱈魚白子 今次係第一次試白子🙈滑嫩肥美嘅感覺喺口裏面散開，配搭埋酸汁味道會更清爽-秋季時令 秋刀魚刺身 一拎出黎個擺盤已經好吸引！好似一塊樹葉非常精緻🌿，秋刀魚咬落質感濃郁，加埋薑芽點Wasabi醬油口感更加清爽，帶豐富魚油香-鱲魚燒 絕對係驚喜之作！❤️魚皮咬落香脆，入口仍保留豐富魚汁，魚味濃郁有口感-石貝 - 今次都係第一次試！肉與偏厚實，口感食落都比較爽口、鮮甜-中拖羅 - 作為拖羅愛好者嘅我見到滿佈油花就知道一定唔錯，咬落滲出一陣魚油香😋超級肥美！-赤鯥壽司 到左秋季係赤鯥嘅季節，係日本料理會選用嘅高級用魚！經過炙燒滲出陣陣魚油，脂香滿溢，入口即溶-白海膽 份量十足！！海膽肉質望上去已經肥厚飽滿，味道鮮甜回甘-拖羅手卷 師傅即時捲起親手遞俾我地☺️材料好豐富，加埋黃瓜喺裏面幾有咬口，感覺冇咁膩😋-最後上埋味噌湯同甜品，甜品可以簡豆腐 / 紅豆雪糕，雪糕充滿奶香味🤤好Creamy，我鍾意❤️