沙查亨餐廳 (已結業)

趁住新工未開工，就去 D 遠少少既地方食飯。聽聞錦田有間咖喱好好食，咁就上左去了。有 Lunch set，叫左兩個餐，有簿餅、春卷和飯，大致食評如下: 簿餅: 又熱又香脆，牛油味沒有出面的濃 (其實我覺得係出面既太濃，所以呢度岩岩好)。用黎點汁就一流 春卷: 係迷你版來的，細細條，料唔多，但個皮幾鬆化。 咖喱雞: 佢 d 咖喱有大辣、中辣同埋唔辣比你揀。(唔辣即係少辣) 要左唔辣，佢唔會那喉，但帶着相當既椰味，好香好濃。而薯仔同雞都好入味。 咖喱羊: 呢隻咖喱有少少唔同。椰味冇咁重，會比較鹹少少.. 個人喜愛咖喱雞果隻咖喱多 d 。而羊就煮得好夠稔，同埋唔羶，好羊者可以一試。 餐飲要左凍檸茶，要左少甜.. 但依然都係好甜.. 可能佢慣左手勢，所以落埋糖槳。如果可以既話，希望係長假完畢前再去多一次。