四季良晨 (迎海薈) (已結業)

星期六下午二時, 雖然過了午飯時間, 但都差不多坐滿了, 枱和枱之間有空間感, 不會太迫。紅燒半筋半腩牛肉麵 - 牛筋煮得又淋又入味, 湯底味道夠, 如果麵可以改成有厚度, 好似刀削麵個種, 應該再加分。滷水蛋牛腩雞肉飯 - 一般配滷肉飯比較肥膩, 可以改雞肉飯是相當不錯的, 飯上加蒜片, 香味要提昇, 關注健康的朋友多了一個選擇。飲品叫了蜜桃蘆薈和紅豆抹茶, 前者少甜和後者走甜, 真係有跟order整, 份量比其他食店大, 抹茶走甜之後茶味要足, 抹茶控一定要試。本來想試餡餅，可惜已經飽了, 下次先再試。