正宗上海生煎皇 (已結業)

同屋企人行完街諗唔到食咩好，之前食過呢間幾好味，就去左食。首先有個生煎包，熱辣辣，一咬開勁多汁，好好味。韮菜餃非常好味，啲韮菜同肉非常新鮮，食完仲想再嗌多個淨韮菜餃。個湯都不錯。唯獨是個麵整得比較唸，但係食落都唔錯，都幾好味。酸辣湯麵又係勁好味，連平時唔鐘意飲酸辣湯嘅我都覺得好正。佢嘅酸同辣配合得恰到好處。不過又係唯獨是個麵太腍。🙈小籠包皮薄餡靚，入面都好多汁，好好味。呢個我就覺得麻麻，因為太多肉，不過屋企人覺得幾好味。土匪雞翼都整得幾好味，唔會整得好乾。整體而言呢間上海餐廳幾好味，絕對值得去試，雖然位置比較逼，不過啲食物質素好高。