Ssoja Toast & Hotdog (逸東酒店) (已結業)

是日與夫君路經佐敦，有d肚餓，見逸東food hall就入去睇下有咩食，估唔到有驚喜喎，樓梯一落就見到呢間韓國toast&hotdog，超開心，因為自己本身好鍾意食韓國三文治，喺韓國就未試過呢間，諗住試下嘅心態，但係呢間無令我失望，即時製作，到手嗰陣熱辣辣，d拉絲芝士同漢堡一齊食真係超正，加埋個醬汁同d菜絲，雖然好飽但係唔會食到好漏，我仲試左個細嘅芝士炸雞，用嘅芝士同三文治唔同，個炸雞都好好食，啖啖肉，炸雞底仲有年糕添，會再去，下次去試其他饀嘅三文治。