星願 居酒屋 (已結業)

今日心血來潮想食日本野，同朋友們係新都城中心行街嗰陣搜尋一下附近有冇得食，點知係三期地下G3有間星願居酒屋，相片睇落都好正，即刻心心眼咗決定要去食。😍入到去餐廳，環境好舒適，一睇菜牌，即刻叫咗個蒜蓉牛油焗金菇先，再加吞拿魚帶子卷，同一客鹽燒鹿兒島一口牛，一客七味粉鹽燒雞軟骨，一客鹽燒雞皮串以及一客鹽燒雞皮墨魚滑卷。金菇好香蒜蓉味，金菇爽口！👍🏻咁吞拿魚帶子卷食到帶子嘅鮮甜味！鹿兒島一口牛牛味香濃，肉質嫩滑多汁！雞皮串係我至愛嘅食物，鬆鬆脆脆又香口！😙😋