海街丼 (海光街) (已搬遷) 新店位置

魚生飯一向係我嘅至愛， 最近喺公司附近發現咗呢間主打一丼三食嘅魚生飯舖， 就決定去試下。 餐廳內嘅和風裝修令人留下很好嘅印象， 座位亦十分之舒適。 入到鋪頭， 店員非常之親切咁樣去我哋介紹唔同嘅魚生飯， 呢度嘅魚生係由日本直送，價錢亦唔貴，性價比非常高。我就係叫咗個極上魚生丼， 入面有多款唔同嘅刺身， 例如海膽、松葉蟹、甜蝦等等。魚生飯有三款唔同嘅食法， 第一種係加入wasabi同埋豉油食， 係最傳統嘅食法。 而第二款則較為創新， 係加入自家製嘅壽司醋啫喱， 所以按自己嘅口味控制範嘅酸度。第三種即係茶漬飯嘅食法， 可以加入淆制咗數小時嘅魚湯， 別有一番滋味。