ZAKS (已結業)

每隔幾個月就會身痕想坐船入去食嘢，因為呢度環境好好，可以望住個海食嘢，仲有迪士尼煙花可以睇。就算夏天嚟食都唔會覺得好熱，因為吹住海風又有風扇，就算你真係覺得熱都可以坐indoor嘆冷氣。冬天黎食又會有好大個暖爐係你後面又唔會覺得好凍。呢度每樣嘢既份量都係外國人份量，所以大家唔好貪心叫太多，最好就係同一大班朋友嚟食因為兩個人真係好難食得多，基本上佢Menu上面嘅嘢都好好食，任揀都唔會中伏，不過有一個一定要食嘅就係佢個朱古力心太軟，好肯定佢真係自己整，而唔係好似出面咁買返嚟叮嗰種！係甜度適中，每次都會有流心效果！100分！記得留肚食丫！