更多
2021-01-11
66 瀏覽
呢日要去灣仔整啲嘢，搞掂後經利東街返屋企，見到地庫層有間甜品舖「Cocolo Tokyo Cake Factory」，裝修風格好日系🎌。甜品櫃放兩旁，其中左邊嘅蘋果批超吸引，香港冇乜呢一類型嘅蘋果批。我企喺個櫃前感覺到微暖，因為蘋果批係熱食㗎😚。蘋果批($32/個)，造型好立體，因為酥皮超鬆脆！酥皮下面有啲吉士醬，再下面就有啲蘋果肉，口感爽爽的！🍎蘋果批熱食更正，因為凍咗就無咁脆，蘋果亦冇咁香。蘋果批真係有令人一試愛上嘅感覺，如果喺其他地方開分店就好喇。右邊嘅甜品櫃就放咗各式各樣嘅蛋糕🎂，當中有切件或者原個。我揀咗雙層鮮奶芝士蛋糕($35)，🍰芝士蛋糕四四方方，好的骰。由於上下兩款芝士都落咗奶🥛，所以芝士比較軟身，奶香亦好濃郁。味道唔錯，但食到尾感覺有啲啲漏🙈。小店個樣雖然似做外賣🥡，但都有兩張高枱以供堂食。不過由於而家晚市冇得堂食，所以我唯有拎走，仲發現蛋糕盒同包裝非常精緻。總括嚟講，依間小店嘅出品幾好，特別係招牌青森蘋果批，真係想一食再食。數量買得越多，價錢就越平。我肯定自己以後再經過利東街，都會忍唔住要食佢嘅蘋果批😝！
呢日要去灣仔整啲嘢，搞掂後經利東街返屋企，見到地庫層有間甜品舖「Cocolo Tokyo Cake Factory」，裝修風格好日系🎌。
甜品櫃放兩旁，其中左邊嘅蘋果批超吸引，香港冇乜呢一類型嘅蘋果批。我企喺個櫃前感覺到微暖，因為蘋果批係熱食㗎😚。
蘋果批
$32
6 瀏覽
0 讚好
0 留言
蘋果批($32/個)，造型好立體，因為酥皮超鬆脆！酥皮下面有啲吉士醬，再下面就有啲蘋果肉，口感爽爽的！🍎蘋果批熱食更正，因為凍咗就無咁脆，蘋果亦冇咁香。蘋果批真係有令人一試愛上嘅感覺，如果喺其他地方開分店就好喇。
右邊嘅甜品櫃就放咗各式各樣嘅蛋糕🎂，當中有切件或者原個。
雙層鮮奶芝士蛋糕
$35
3 瀏覽
0 讚好
0 留言
我揀咗雙層鮮奶芝士蛋糕($35)，🍰芝士蛋糕四四方方，好的骰。由於上下兩款芝士都落咗奶🥛，所以芝士比較軟身，奶香亦好濃郁。味道唔錯，但食到尾感覺有啲啲漏🙈。
小店個樣雖然似做外賣🥡，但都有兩張高枱以供堂食。不過由於而家晚市冇得堂食，所以我唯有拎走，仲發現蛋糕盒同包裝非常精緻。
總括嚟講，依間小店嘅出品幾好，特別係招牌青森蘋果批，真係想一食再食。數量買得越多，價錢就越平。我肯定自己以後再經過利東街，都會忍唔住要食佢嘅蘋果批😝！
張貼
