影片
更多
2022-05-17
1768 瀏覽
灣仔嘅La Crêperie係法式餐廳，當中可麗餅係最出名嘅，即叫即制，仲有多種款式選擇，有鹹、有甜、連冰火都有！La Crêperie出品嘅可麗餅，絕對令人一試愛上！Van De Rance Sweet (2%) $50/CUP香甜嘅Apple Cider，配可麗餅簡直係炒，亦係法國人正宗嘅食法！Kronenbourg 1664 Blanc 食法國餐，當然要飲法國啤啦！Octopus Carpaccio $128將八爪魚卷到好似日本叉燒咁再薄切而製成嘅冷盤，入口先係橄欖油同埋檸檬嘅清新，細嚼幾下之後，八爪魚嘅鮮甜味喺口腔爆發，超正嘅頭盤！Black Cod Fish Fillet $175由鮮茄製成嘅濃湯，帶少少酸，仲富有三色椒嘅香氣，剛好襯托出銀鱈魚柳嘅鮮甜！配砌成心型嘅麵包，夠晒浪漫！Galettes La Marin $162鹹味嘅海鮮可麗餅，以蕎麥粉製成，脆脆地又香口，十分討好！中間嘅煙肉同埋蘑菇以白酒忌廉汁炒香，帶子香煎了兩邊，夠晒鮮甜！Crepes LaCoco Cadiz $88新加入Menu嘅甜品可麗餅，集所有邪惡完素於一身，包括椰子雪糕、大量嘅Cream、朱古力、自
Van De Rance Sweet (2%) $50/CUP
香甜嘅Apple Cider，配可麗餅簡直係炒，亦係法國人正宗嘅食法！Kronenbourg 1664 Blanc
食法國餐，當然要飲法國啤啦！
Octopus Carpaccio $128
將八爪魚卷到好似日本叉燒咁再薄切而製成嘅冷盤，入口先係橄欖油同埋檸檬嘅清新，細嚼幾下之後，八爪魚嘅鮮甜味喺口腔爆發，超正嘅頭盤！
Black Cod Fish Fillet $175
由鮮茄製成嘅濃湯，帶少少酸，仲富有三色椒嘅香氣，剛好襯托出銀鱈魚柳嘅鮮甜！配砌成心型嘅麵包，夠晒浪漫！
Galettes La Marin $162
鹹味嘅海鮮可麗餅，以蕎麥粉製成，脆脆地又香口，十分討好！中間嘅煙肉同埋蘑菇以白酒忌廉汁炒香，帶子香煎了兩邊，夠晒鮮甜！
Crepes LaCoco Cadiz $88
新加入Menu嘅甜品可麗餅，集所有邪惡完素於一身，包括椰子雪糕、大量嘅Cream、朱古力、自家製焦糖醬，加埋一齊又唔會過甜，真係極美味，必點item！
Crepes La Sexy Suzette $118
冰火可麗餅，中間係冰涼嘅芒果雪葩，上菜時會淋上燃燒中嘅橙酒，既好睇又好食！
張貼
