影片
更多
2022-04-09
2766 瀏覽
Rosewood Butterfly Room High Tea 其實book咗2次想係入面嘆個relax下午茶，享受吓佢哋嘅服務同環境，但因為疫情都唔敢坐底食！我同朋友只好買外賣自取而且都好方便，係因為有啲重同怕啲蛋糕會溶，所以我都係急步坐的士回家！（好在住得夠近）Butterfly Patisserie下午茶（兩至三位用）包含：•4款下午茶三文治：蟹肉牛油果 - 火腿軟芝士 - 煙熏三文魚配魚子醬 - 松露蛋•4款每日精緻甜點•2件招牌大溪地雲呢拿千層酥•4件新鮮焗制英式鬆餅•2款果醬• 濃縮忌廉• 2款茶包💓三文治款款我哋都好鍾意食，又夠新鮮，我自己就鍾情蟹肉牛油果同松露蛋味道，跟本一打開個盒就聞到松露味偷偷溜走出嚟，加上新鮮松露向面，真係提升三文治嘅高貴感！💓甜點我就勁鍾意大溪地雲呢拿千層酥，果然係招牌，名不虛傳！就算拎到番黎都保持到個皮係脆，而且個cream真打得勁滑好細緻！💓其次就係有款紅莓果撻，本來個個都對佢冇咩好感（怕酸😅）但食入口，係唔係我哋預期嘅口味，唔太酸而且有埋吉士醬中和到個味道，剛剛好！我仲留意到廚師吱咗啲醬向每一粒莓入面，可謂花盡心思！💓而其中一個toffe
其實book咗2次想係入面嘆個relax下午茶，享受吓佢哋嘅服務同環境，但因為疫情都唔敢坐底食！
我同朋友只好買外賣自取而且都好方便，係因為有啲重同怕啲蛋糕會溶，所以我都係急步坐的士回家！（好在住得夠近）
Butterfly Patisserie下午茶（兩至三位用）包含：
•4款下午茶三文治：蟹肉牛油果 - 火腿軟芝士 - 煙熏三文魚配魚子醬 - 松露蛋
•4款每日精緻甜點
•2件招牌大溪地雲呢拿千層酥
•4件新鮮焗制英式鬆餅
•2款果醬
• 濃縮忌廉
• 2款茶包
💓三文治款款我哋都好鍾意食，又夠新鮮，我自己就鍾情蟹肉牛油果同松露蛋味道，跟本一打開個盒就聞到松露味偷偷溜走出嚟，加上新鮮松露向面，真係提升三文治嘅高貴感！
💓甜點我就勁鍾意大溪地雲呢拿千層酥，果然係招牌，名不虛傳！就算拎到番黎都保持到個皮係脆，而且個cream真打得勁滑好細緻！
💓其次就係有款紅莓果撻，本來個個都對佢冇咩好感（怕酸😅）但食入口，係唔係我哋預期嘅口味，唔太酸而且有埋吉士醬中和到個味道，剛剛好！我仲留意到廚師吱咗啲醬向每一粒莓入面，可謂花盡心思！
💓而其中一個toffee味嘅甜點我哋略嫌過甜，其餘嘅都啱大家口味！
💓Scone有原味同提子乾，店員有提醒番屋企食的話，最理想將佢翻熱180度焗3分鐘就可以食用！真係貼心，外面香脆內裡軟呼呼的加埋軟滑嘅cream同jam真係最好嘅配搭😋
綜合全個tea set 鹹甜點都好好味，平時食開tea set 嘅我哋唔係全部甜點我哋鍾意食！呢個真係所有都比我哋食均晒！
原價要$850嘅tea set , 朋友以優惠價$595購買到!相當超值！
張貼
