芋圓一 (已結業)

夜媽媽想食芋圓，貢左去大角咀，趕係11點收鋪前幫襯。（google寫收11:30pm，有點fake，建議店家update下，以免客人摸門釘）掙扎叫傳統芋圓定叫桂花味，最後被桂花糖芋圓既桂花兩粒字吸引左。🍴桂花糖芋圓（$36）入面有芋圓、仙草、薏米、丸子，一入口有點失望，桂花你係邊？食多幾啖都唔見有桂花味。仙草好食，涼浸浸又滑溜。丸子都煙un，唔會太重粉味。重點之一既芋圓份量唔少，但咬口唔夠，偏淋身，好彩咬下咬下都食到芋頭味。如果偏愛好煙un既人，就可能會失望，加上無桂花味，整體有改善空間。同埋成碗野唔夠凍，得仙草較涼，建議加少少碎冰或者凍既桂花糖水，會更好食。