影片
更多
2017-12-01
843 瀏覽
1️⃣黑芝麻珍珠焦糖琥珀拿鐵佢呢度嘅黑芝麻珍珠真係唔講得少，黑芝麻味好香，但小編就略嫌有少少唔係好煙韌，不過都冇咗小編對佢嘅愛戴，主要係因為佢呢隻黑芝麻珍珠嘅味道唔會太甜👍🏻而嘢飲方便小編今次就揀咗焦糖琥珀拿鐵（其實純粹比個名吸引左），因為飲品裏面加左鐵觀音，所以茶味都會比較強少少，而且奶味亦同樣突出，不過焦糖味就比較淡左少少（但諗深一層如果焦糖味重一定又好鬼甜啦！），呢個配搭果然冇令小編失望，好彩今次吸取左之前嘅教訓揀啲味道得明顯啲啫😂不過其實店家方面係建議焦糖琥珀拿鐵配焦糖珍珠，不過小編真係太想試佢哋嘅芝麻珍珠所以最後都係決定呢個選擇✌️價格：HKD $25（焦糖琥珀拿鐵）+ HKD $6（黑芝麻珍珠）2️⃣仙人掌珍珠黑洞拿鐵小編諗左好耐應該揀黑白黑好定係黑白紅好，最後都係揀咗黑白紅好似colourful少少😂小編今次同樣都係介紹咗佢哋嘅珍珠先，紅色嘅珍珠你覺得會係啲咩名？番石榴？士多啤梨？少年你太年輕了😂係仙人掌至啱，你問小編仙人掌到底係咩味？小編飲完之後都答你唔到，但係表示隻珍珠真係甜到爆炸😅而且呢隻珍珠黏住嘅情況真係超級嚴重。另外黑白色加埋嘅黑洞拿鐵真係超級有睇頭，雖然佢有加到茶落去但
249 瀏覽
0 讚好
0 留言
佢呢度嘅黑芝麻珍珠真係唔講得少，黑芝麻味好香，但小編就略嫌有少少唔係好煙韌，不過都冇咗小編對佢嘅愛戴，主要係因為佢呢隻黑芝麻珍珠嘅味道唔會太甜👍🏻而嘢飲方便小編今次就揀咗焦糖琥珀拿鐵（其實純粹比個名吸引左），因為飲品裏面加左鐵觀音，所以茶味都會比較強少少，而且奶味亦同樣突出，不過焦糖味就比較淡左少少（但諗深一層如果焦糖味重一定又好鬼甜啦！），呢個配搭果然冇令小編失望，好彩今次吸取左之前嘅教訓揀啲味道得明顯啲啫😂
不過其實店家方面係建議焦糖琥珀拿鐵配焦糖珍珠，不過小編真係太想試佢哋嘅芝麻珍珠所以最後都係決定呢個選擇✌️
價格：HKD $25（焦糖琥珀拿鐵）+ HKD $6（黑芝麻珍珠）
2️⃣仙人掌珍珠黑洞拿鐵
小編諗左好耐應該揀黑白黑好定係黑白紅好，最後都係揀咗黑白紅好似colourful少少😂
小編今次同樣都係介紹咗佢哋嘅珍珠先，紅色嘅珍珠你覺得會係啲咩名？番石榴？士多啤梨？少年你太年輕了😂係仙人掌至啱，你問小編仙人掌到底係咩味？小編飲完之後都答你唔到，但係表示隻珍珠真係甜到爆炸😅而且呢隻珍珠黏住嘅情況真係超級嚴重。
另外黑白色加埋嘅黑洞拿鐵真係超級有睇頭，雖然佢有加到茶落去但係茶味真係唔突出，而且小編第一啖飲落去覺得好似飲緊豆奶咁，再飲真啲先飲到有微微嘅竹炭味，呢杯飲品攞嚟影相就真係超級型格！
如果有興趣想試仙人掌珍珠嘅話，可以考慮吓以下嘅建議👉小編建議可以考慮將杯拿鐵走糖，因為佢啲仙人掌珍珠真係甜到爆炸（小編本來飲親呢啲台式飲品從來都唔會叫少糖，但如果下次有機會再幫襯小編一定會叫走😂）
價格：HKD $22（黑洞拿鐵）+ HKD $6（仙人掌珍珠）
仙人掌白玉珍珠宇治抹茶拿鐵
686 瀏覽
0 讚好
0 留言
其實佢哋呢度有得揀要一款珍珠、兩款珍珠定要三款珍珠。小編今次就揀咗要兩款珍珠，兩款珍珠嘅份量已經去咗杯嘢飲嘅半杯，咁如果要三款珍珠啲珍珠咪有杯野1/3咁高？另外小編唔係好清楚佢點樣計價錢所以下面既價格只供參考。如果你想睇返仙人掌珍珠既介紹可以上返去上面篇介紹到睇吓，至於白玉珍珠小編就唔介紹啦😊
價格：HKD $25（宇治抹茶拿鐵）+ HKD $8（仙人掌白玉珍珠）
其實佢哋飲品嘅選擇都算多，而且仲有好多唔同嘅特色珍珠，例如竹炭、仙人掌、黑芝麻咁。
PS：店舖而家仲做緊試業9折優惠（上面嘅價錢為正價），另外買兩杯或以上仲有得玩遊戲一次添😊
張貼
