淥鼎記

年頭時幫襯過一次，覺得開心大發現，一個價錢滿足好多個願望而且有驚喜。9個月後再次同屋企人黎食，仍然覺得物有所值，有進步既地方，但亦有少少退步左既地方，希望餐廳可以見到改善返咁就完美😊
首先我覺得進步左係有得電話自助落單，唔使次次叫職員先落到任食既食物而且份量好似放題咁可以因應人數而選擇。
前菜有幾款揀，好味而且都係d唔會好飽既小食，呢樣都好滿意😊😊😊叫左酸辣雲耳同鹽酥雞，好味！但唔記得影相
然後到刺身，呢個都好似進步左，除左蝦唔夠鮮外其他都幾好。

然後到酸菜魚/雞煲2揀一，我地同上次一樣揀左酸菜魚，但今次就有d失望，保持唔到上次d魚咁鮮味同滑，今次d魚無咩味同埋肉質偏淋。下次可能會試雞煲。