碗屋 (已結業)

現今放題大行其道。由於今日朋友生日所以選擇左食中環碗屋放題，因為曾經食過，覺得係高級放題，可惜今次大跌眼鏡。首先刺身方面，款式無咩改變但味道就唔同左，唔知是貨源改變還是環境改變而影響（可能係我個人問題），以前赤貝是爽脆鮮甜的，現在有點腥腥的，而我最愛的甜蝦都變得霉而無味，而魚生擺盤賣相都退步了，真係失望。(刺身蛋糕真係整得好隨便，我的生日朋友望到只係一笑置之。)熟食方面包魚好入味，西京銀雪魚依舊美味，魚湯都很不錯很濃郁，而燒物及炸物就真的不及平民放題檔。整體結論，逆水行舟不進則退！