点心代表 (已結業)

一個好鍾意小櫻嘅閨蜜生日，於是同佢嚟試首先連餐牌/餐檯紙等全部印過哂算係有誠意嘅，而食物雖然同小櫻無大關係，但賣相算可以加分一嚟造型上最吸引嘅一定係基路仔奶黃流沙包，無論色同造型都夾基路仔，而且味道不太甜，凍左少少（係自己擺得太耐啫）都仲識流沙然後其他菜嘅造型都同角色無關係，純粹插支旗，櫻花蝦餃幾好味嘅，櫻花色（無櫻花味）但有少少玫瑰味首推係蝦多士，多士鬆脆，蝦彈牙，黑松露有味，至於小狼包，芝麻內餡，不過不失最失望係玉子燒，無蛋味，質感好實，唔夠軟滑粉絲一試無妨，最後老闆仲送左小櫻扇，食物質素不俗，只係環境稍逼，位同位之間無咩空位，隔離講咩完全聽哂，繁忙時段唔好諗住慢慢食慢慢坐