Itamama (東港城) (已結業)

從未試過寫食評，今次為咗佢真係要忍唔住寫一寫。為乜？原因係已經幫襯咗好多次，雖然一直服務態度都唔可以話係好，但都算係還可以。講真，咁嘅價錢，咁嘅質素，真係已經係超值，我本來都唔會對服務好唔好有咩挑剔。但係今次...我老婆有咗，唔食得生嘢，我只係要求你走咗啲沙律菜...唔得。咁你幫我分開用另外一個碟上...唔得，我嗰吓真係著。叫你走菜又唔得，叫你分開又唔得？啲菜痴住個盤架？個侍應至死死地氣話咁我叫廚房幫你分啦。結果出到嚟...無分，咁我咪搵返佢問，你唔係話幫我分上咩？跟住佢收返盤食物，喺度講「大肚唔食得唔好食呢個啦，麻鬼煩，叫第二個唔得嘅」當下我都真係著咗，我嗰下都有啲態度唔好，喺呢度先行道歉，我即話「咁唔洗你分，你攞返嚟我自己分」當然，個侍應無理我啦，跟住幫我分開攞上嚟。經過呢件事，我想話，我唔會再去食。大肚婆唔係大哂，但一般餐廳都會體諒大肚婆有好多嘢唔食得而行個方便，連佐敦出名態度差嘅老牌茶餐廳澳XXX公司都會俾個闊啲嘅位大肚婆。利申：我老婆只係叫一個雞扒蛋嘅早餐