栢檔去骨海南雞飯 (已結業)

自己一直對海南雞飯情有獨鐘，所以每次見到餐廳個menu有海南雞飯都即刻叫。我就試過中伏。今日係佐敦同女朋友食晚飯，係等緊佢期間，我就搵到呢間專食海南雞飯既餐廳，個名仲要寫名去骨 。我地兩個人9點去食，無乜人，唔洗等位。我地叫咗個例牌既海南雞飯再加個油飯，佢地d雞係即叫即斬件，碗飯係即刻係電飯煲裝出來，一上枱果下我覺得碟雞好細碟，碗油飯又唔係佢張圖裝到咁滿。d雞我認同似人地既食評所講之中既白切雞，但係去骨嘅白切雞又的確係幾好食，最好笑係我女朋友一食舊雞嘅時候話d雞無骨架 。碗油 好香，食落完全唔覺得有油膩嘅感覺。