滿記茶餐廳 (已結業)

師傅前前後後都黎左呢間食店第三次, 每次嘅感覺都係一般, 但又唔知點解會再黎? 既然臨別秋波, 就黎埋最後一次啦!入到去坐底即刻睇下有咩好野食啦, 見到個午餐, 幾款都唔算吸引, 把心一橫就柯打碟炒飯, 於是就揀左西炒飯, 等左一陣就有得食喇!西炒飯炒得都幾乾身, 味道唔錯加上料又幾夠, 都幾好味, 可以啦! 如果師傅冇記錯埋單都係三十蚊, 算做抵食啦!總括黎講食物質素可以, 價錢都唔算貴, 但師傅短期內都唔會有機會黎喇, 今次個炒飯, 笑飯絕對可以比到, 第三次光顧竟然今次係最出色!