粵來順 (已結業)

食完第一次返尋味，今次帶埋阿辣妹同埋叉燒妹一齊去試吓其他菜式。訂咗6點9 ，去到唔使等就有枱。點左幾個新菜，基本上都係好食，不過encore既菜就有點兒失水準。杏汁白肺湯基本上好飲，不過佢冇先磨杏仁，所以少左嗰啲一粒粒嘅口感，另外去啲配料適中，豬肺乾淨好食。基本上贏唔到上次介紹過嗰間私房菜。豉油雞賣相好似普通燒味鋪出品，食落個味道係入味，不過冇咗嗰種藥材味，算係接近深水埗增X頭抽雞。蒜蓉炒白菜冇乜特別要介紹，鍾意佢唔會炒得太淋。呢個炸芝士都算係俾佢呃左，因為其實係蝦球爆漿芝士丸，不過外邊炸咗嗰層酥就真係特別啲嘅。呢個粉絲上次係阿辣妹非常鍾意，今次其實都唔差，只係下面底底比較多油，同上次比起上嚟有少少唔係太穩定。呢個睇落去似炸豬手，其實佢係話用低溫慢煮焗嘅豬手，佢應該係要加上黑椒汁，不過叫咗佢另上，亦都非常好彩要佢另上，因為個汁偏濃烈，豬手肉質都唔係太淋，比較偏乾。都算係一間可以encore 既食店，今次失準，希望下次有改進。