Amina Modern European (已結業)

近排姐夫冇商行，以為家姐唔使搵我陪，今晚終於等到佢搵我出街食好嘢，因為姐夫突然有事做，訂咗位私房菜冇得改，我行運。呢間私房菜好得，今晚好開心。我揀咗海鮮餐 $1380/位，主要食龍蝦。麵包及醬全部自己製，風乾番茄青檸汁香蒜牛油很特別，麵包好軟身。餐前小食是三文魚他他，有一片紅菜頭配西班牙黑醋，鍾意口感脆脆地，同埋黑醋夠酸。鹿兒島帶子蟹肉卷伴田園沙律及青檸檬油汁，帶子很鮮，卷包住蟹肉食好好味，感覺好豪。龍蝦他他配香草忌廉椰菜花與意大利陳醋，好食。龍蝦濃湯伴龍蝦布丁及巴馬臣芝士脆片，組合好靚，好有新鮮感，面前倒湯感覺好，可以影相，而且熱辣辣，真係極之濃郁好味。香煎蘇格蘭三文魚春卷、三文魚子南瓜蓉配砵酒汁，煎到四面脆而中央生嫩，春卷依然脆，好細心做出來的效果。海膽配黑松露意大利飯濃郁味道，很有忌廉香與稠度。橄欖油浸龍蝦尾配青豆蓉雜菜香茅薑泡沫，同之前嗰啲一樣，海鮮嫩口，後來證實真是晚煮的效果。最後的甜品是柚子雲呢拿雪糕，意大利雪糕質地特別綿客。