Honbo (已結業)

今晚唔想食飯，但又好想食熱氣嘢，於是，收工去咗食Burger。地點是打卡聖地南豐紗廠裡面嘅Burger專門店。睇餐牌，有10款Burger 選擇。揀咗招牌嘢 Classic Burger 同埋 Cheese Burger，當然唔少得熱氣嘢，揀咗炸薯寶同埋拉絲芝士條。至於飲品就揀咗飲啤酒，食熱氣嘢嘛，梗係要飲啤飲啦。揀咗日本品牌Asahi 同埋澳洲品牌Pirate。Asahi 飲落比較淡口啲，而 Pirate就入口較strong，甘啲苦啲。薯寶細細粒，好脆口，一口size方便食。芝士條外脆內軟，芝士就係可以拉出來，夠過癮!兩個Burger都大大個，材料豐富，牛肉味濃郁，生菜好清爽。Cheese Burger相對於Classic Burger，是多了一層芝士，雖然睇落比較邪惡，但係更加好味。