皇爵麵包西餅 (已結業)

去開大埔做野，順便買麵包聽日做早餐，行過皇爵見到幾多人，就入去睇下乜頭乜路。麵包店外裝緊修，搭緊棚，出入都要小心。菠蘿包$2.5一個！真係要港女式咁大叫一聲OMG！咁平！個包都有我隻手掌咁大，第2朝叮返熱食，皮仲係脆的！包入面唔算好空心，個包算幾好食啦！芝士火腿包$4.5，絕對唔慳皮，有一塊芝士一塊火腿！個包有啲特別，唔係一般的包，類似麥包的感覺，$4.5有芝士，火腿仲有健康麥包食，抵到喊！麵包店仲標榜自己用合格既油，真係食得又平又健康！