馬辣台式鴛鴦火鍋 (創興廣場)

營業中

休息中

十幾二十年前放題興扣單，你寫十佢比一。馬辣你宜家咁玩等執！午市幫襯，全場得一成入座率......照試啦。選擇正常，有肉，飲品配料甜品種類同市面類似。牛肉選擇款式都有幾款。落單問題就來啦，規定每樣野每次落兩份。即係一碟牛肉薄薄3片，你每次最多點6片。都無問題，咪點密d囉。點知每次落單後要等五分鐘以上，要强調全店得二三十人，十台左右。同埋厨房食材一早整定一份份。同其他放題店速度比較，明顯慢。高潮位係白鱔片每次來一份，叫人來問，個位阿叔唔憂做甘話"規矩係每次一碟”，我講明我每次落單都係2份，次次來一份，唔係大意，擺明扣單上。阿叔都老實，話厨房係甘。真好笑。觀察一陣，下欄野就比較肯上比食客，貴少少就hold住隔耐d上少d。中間有一個貌似厨房大佬出來了解，即刻額外攞三四份牛肉白鱔上來。佢自己都唔好意思。不過大佬走左，之後落單都係扣減兼慢上。開門做生意大方d啦，無比較無傷害。其他幫襯過放題真心無咁劣。大家唔信午市上去望下，場面冷清無需訂位，事出有因。呃人無回頭。門口招呼個位阿叔態度惡劣。厨房大佬一個難救。