影片
更多
2010-06-20
10 瀏覽
好耐冇寫食評啦!! 但今日食完呢間, 真係唔寫唔舒服!!!!平日經過呢間食店都好好奇點解有咁多人, 又好想試下係唔係真係咁好味!!今日終於有機會啦~*因為有人搵埋位既關係~* 我就梗係樂於去試一試~!!係門口等位, 佢一定要齊人先入得我地4個人+1個BB, 要等4人枱真係好困難!首先, 佢派籌嗌籌毫無秩序我企係度短短20MINS, 我見到佢地可以明明叫到160, 但第2個人出黎唔知見到140未刪又叫過140, 即係你過晒飛你都唔駛驚, 因為佢唔會刪no, 咁 (但係第3個人出黎又會係咁叫係咁刪)第2樣得人驚既係, 佢竟然之後有人黎又俾張140既飛佢地, 咁即係你早到但籌no. 咁後, 你都唔駛旨意有得入!! 因為佢係亂派籌!!!!!!!!!!!!!好亂呢~?! 唔知我講咩?! 因為佢派籌就係咁亂!!!!!okay* 終於入得啦~佢得3人位, 佢問我驚唔驚迫, 咁實際我地4個大人+個bb 梗係驚迫啦!!!而早前我見到另一張4人枱好似埋緊單咁咪問佢law, 問係唔係果張枱埋緊單啦~??點知換黎俾人鬧!! 俾個收銀阿姐, 應該係老闆娘, 大大聲鬧 :" 人地係唔係埋單我點知啊, 你係入就入
平日經過呢間食店都好好奇點解有咁多人, 又好想試下係唔係真係咁好味!!
今日終於有機會啦~*因為有人搵埋位既關係~* 我就梗係樂於去試一試~!!
係門口等位, 佢一定要齊人先入得
我地4個人+1個BB, 要等4人枱真係好困難!
首先, 佢派籌嗌籌毫無秩序
我企係度短短20MINS, 我見到佢地可以明明叫到160, 但第2個人出黎唔知見到140未刪又叫過140, 即係你過晒飛你都唔駛驚, 因為佢唔會刪no, 咁 (但係第3個人出黎又會係咁叫係咁刪)
第2樣得人驚既係, 佢竟然之後有人黎又俾張140既飛佢地, 咁即係你早到但籌no. 咁後, 你都唔駛旨意有得入!! 因為佢係亂派籌!!!!!!!!!!!!!
好亂呢~?! 唔知我講咩?! 因為佢派籌就係咁亂!!!!!
okay* 終於入得啦~佢得3人位, 佢問我驚唔驚迫, 咁實際我地4個大人+個bb 梗係驚迫啦!!!
而早前我見到另一張4人枱好似埋緊單咁
咪問佢law, 問係唔係果張枱埋緊單啦~??
點知換黎俾人鬧!!
俾個收銀阿姐, 應該係老闆娘, 大大聲鬧 :" 人地係唔係埋單我點知啊, 你係入就入, 唔入就唔入"
搞到我即係火都黎!!! 回返句 :" 我問下你姐"
坐低, 我真係忍唔住, 我就同親友講 :" 呢間野再好食都冇用!!! 咁既服務態度, 唔駛旨意有第2次啊!!!"
**********************************************************************************************
好啦~** 另一樣係佢地既員工
佢地真係好"拿西", 係我食既期間, 已經好多人受害
1) 佢地倒茶時好求其, 我見佢地成日倒瀉, 有一次仲辣親我親友隻手
2) 佢地放點心時, 唔知倒瀉d油定汁,搞到我隔離枱個小姐辣親腳, 佢嗌左出黎, 之後問staff拎tissue, 但冇人show佢, 最尾由另一個人客俾張tissue佢.
咁d staff做咩??佢地去左抹地, 果位小姐都忍唔住講左句:"而家個地下仲重要過人"
3) 佢地收每人$2 茶錢, 我開頭未入去前仲話好抵, 點知....原來佢唔係俾一壺茶你, 而係耐唔耐先拎個茶壺幫你添茶, 你想添時要叫個阿姐都幾難!!!! 所以我唔明白佢憑咩收$2茶錢!!!
從以上種種, 我真係深深感嘆, 亦令我想起劉華個廣告"今時今日咁既服務態度點得啊??"
再加上要排咁耐隊, 我可以同大家講係完全唔值得!!!
**********************************************************************************************
okay , 如果大家唔介意佢要排好耐隊, 又唔介意裡面 0 服務, 仲想去既~*
咁我就推薦大家食佢個菠蘿包~*佢個酥皮好好食~!!!
其他野...好普通好普通, 完全唔值得排咁耐 & 受佢氣
so, 我覺得呢間野, 只係得名氣, 而冇咩實際既一間食店!!
真係純粹試名氣就夠既啦!!!
張貼