相馬日式火鍋 觀塘 (已結業)

因為疫情，我同男朋友都好耐無食過火鍋阿放題依類型既野食，所以特登就揀左依到，一次過滿足曬兩個願望，😂😂我地決定，今日要放縱到極致，食返夠本阿，佢依到供應多款湯底比你去選擇，加上佢仲有好多唔同既火鍋配料，真係想食乜都有阿，唔同既肉類同丸子，仲要有甜品喔，佢既雪糕同熱辣辣既火鍋有個對比係到，哈哈，可以睇到男朋友瘋狂食雪糕🙊🙊😆我地叫左肉同海鮮，佢既日本鹿兒島黑豚肉，脂肪分佈平均， 肥膏都唔係話好多，食落肉質鮮嫩， 肉既味道濃郁。而海鮮都幾新鮮，有日本帶子，廣島號，蟹棒，青口，虎蝦，蜆，螺，每份都食得出唔係死既海鮮，處理幾好之後仲有d熟食，串燒拼盤，勁多唔同既種類，有燒魚餅，免治雞肉棒，金菇肥牛卷，豚肉村，燒粟米，翠玉瓜，大頭蝦，食得出係新鮮燒，加上佢既野食唔係平時通街食到個d串燒，都係比較日式，依個係令我幾加分既位😋😋