吉吉點 (已結業)

平時日頭想食點心，真係周街都係酒樓，絕對唔怕無得食。但係今晚心血來潮想食點心，真係好難搵到地方有得食。咁岩喺觀塘附近，好在近近地都搵到一間。餐廳唔算易揾，係巷仔入面，不過紫色招牌好吸睛。地方唔算好大，不過要夜晚都有得食點心都算係咁。餐牌點心既選擇好多，又有d係自家創作既點心。就算上枱既茶都唔馬虎，起碼唔係台台都要你飲同一隻茶，有選擇。桂林頂級鮮牛肉球 牛肉球雖然唔係勁大粒，不過都有三粒。咬落去夠晒淋身，牛肉既口感都幾討好，夠爽口。襯托牛肉既喼汁咸味適中，整體唔錯。江南俏鍋貼，外層既皮以鍋貼嚟講唔算好厚，咬落去外脆內軟，而且有肉汁流出。雖然係煎鍋貼既過程少不免要落油，但係食既時候又唔係好覺油膩既感覺。鮑螺雞燒賣雖然賣相未必吸收，但係材料好大件，正所謂大件夾抵食。一個是鮑螺片搭肉球，一個是雞脾肉搭肉球，一個人食晒都有相當的飽肚感。鳳爪排骨飯淨食點心覺得唔夠，所以點左個鳳爪排骨飯。排骨整得好淋，而且好少骨位，都幾好食。但最令小妹驚喜既係d飯，軟淋淋，口感一流，比起一般出面食到既飯，飯質更討好！