水松見料理放題 (已結業)

天氣終於開始凍胃口更好，離不開放題打邊爐放蹤肚皮XD 日本野想平價開懷食，放題係不二之選 ，呢到價錢平，款式多，整體食物算唔錯第一次黎呢到食放題，走上一條彎彎的樓梯上一層，地方很大的放題店，入坐計可食2.5小時，時間足夠。分別有A-M 菜單，各式各樣食物有齊晒，分別有沙津、刺身、壽司、天婦羅、串燒、鍋物、烏冬拉麵，再加汽水任飲雪糕任食。刺身最推介油甘魚鮮甜喔，刺身切得大塊薄身，個人仍是愛有一點厚度的刺身，口感更好。其次呢到仲有三文魚、吞拿魚、北寄貝、甜蝦、帆立貝、赤貝、赤貝...壽司嬌滴滴， 是一口壽司，所以款式方面可以試多D, 火灸牛肉壽司唔錯，另外一口手卷(多料少飯）脆卜卜蟹子滿滿，推介手卷！炒牛柳粒，牛粒蠻大，炒得好香，肉質好有咬口， 每一口牛粒都好香黑椒味，好惹味。另外，如果會食羊的一定要叫燒羊架，羊架好大件頭，燒得外脆內軟，肉汁可以保持 , 食完有叫多轉。雖然好肥，但又係唔可以錯過的芝士年糕，外層薄薄QQ的包著半溶的芝士，好滿足。另外，紫芋丸亦都唔錯，好香濃既芋頭味，香而不甜。放題種類非常多，每樣試少少，最後再依埋甜品綠茶同香芋味雪米糍，好飽呀！食放題，真是大胃王必去之選～*