113
1
0
等級6
2022-01-06 1924 瀏覽
多年前去過一趟九州旅行,不過嗰次只玩南九州,即喺宮崎、鹿兒島,本來都有打算玩埋北九州,就喺撞正新冠,一切外遊都延期再延期,照睇目前狀況,真喺講唔埋幾時先出得門。所以,就同啲老友一齊嚟到九州佐賀人氣燒肉店 「Yakiniku Kakura」豪番餐,食咗當去住先,有機會點都要真身去一轉。 第一次嚟,入口有啲「蠱惑」,唔喺搭扶手電梯個入口,而喺隔離有少少隱蔽嘅樓梯。上到去,又以為喺眼見嘅入口,其實一樓有兩間店,轉右入條小巷走到尾先喺「Yakiniku Kakura」。 餐廳地方都幾大,分咗好多區域,明顯喺可以間番成一個個廂房,方便啲客搞活動,當然,依家疫情限聚,就唔可以搞得太大棚人啦。整體裝修摩登時尚,地方闊落,唔會有咩擠逼感,而且,每枱都有聚焦燈,最方便到小弟影嘢。店家主打日本直送嘅鹿兒島縣產嘅黑毛和牛,位置選擇非常多,小弟就唔一一抄出嚟,自已睇相啦。此外,仲有宮崎產嘅黑毛豚、山口縣產嘅若雞、海鮮、野菜、前菜、飯麵……等等。 此外,唔介意價錢,想食到最好,餐廳更有提供到最高品質嘅A5等級鹿兒島縣產黑毛和牛。 如果唔想煩,或有選擇困難症嘅話,可以考慮揀套餐,定價$398,因為一個價錢包咗沙律
更多
多年前去過一趟九州旅行,不過嗰次只玩南九州,即喺宮崎、鹿兒島,本來都有打算玩埋北九州,就喺撞正新冠,一切外遊都延期再延期,照睇目前狀況,真喺講唔埋幾時先出得門。所以,就同啲老友一齊嚟到九州佐賀人氣燒肉店 「Yakiniku Kakura」豪番餐,食咗當去住先
,有機會點都要真身去一轉。 
2 瀏覽
0 讚好
0 留言
第一次嚟,入口有啲「蠱惑」,唔喺搭扶手電梯個入口,而喺隔離有少少隱蔽嘅樓梯。上到去,又以為喺眼見嘅入口,其實一樓有兩間店,轉右入條小巷走到尾先喺「Yakiniku Kakura」。 
3 瀏覽
0 讚好
0 留言
3 瀏覽
0 讚好
0 留言
餐廳地方都幾大,分咗好多區域,明顯喺可以間番成一個個廂房,方便啲客搞活動,當然,依家疫情限聚,就唔可以搞得太大棚人啦。整體裝修摩登時尚,地方闊落,唔會有咩擠逼感
,而且,每枱都有聚焦燈,最方便到小弟影嘢。
2 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
4 瀏覽
0 讚好
0 留言
3 瀏覽
0 讚好
0 留言
店家主打日本直送嘅鹿兒島縣產嘅黑毛和牛,位置選擇非常多,小弟就唔一一抄出嚟,自已睇相啦。此外,仲有宮崎產嘅黑毛豚、山口縣產嘅若雞、海鮮、野菜、前菜、飯麵……等等。 
12 瀏覽
0 讚好
0 留言
11 瀏覽
0 讚好
0 留言
14 瀏覽
0 讚好
0 留言
15 瀏覽
0 讚好
0 留言
15 瀏覽
0 讚好
0 留言
17 瀏覽
0 讚好
0 留言
此外,唔介意價錢,想食到最好,餐廳更有提供到最高品質嘅A5等級鹿兒島縣產黑毛和牛。 
18 瀏覽
0 讚好
0 留言
如果唔想煩,或有選擇困難症嘅話,可以考慮揀套餐,定價$398,因為一個價錢包咗沙律、前菜、多款肉類及甜點,但記得喺二人起
。 
21 瀏覽
0 讚好
0 留言
飲品呢?亦不愁無選擇,紅白餐酒、清酒、燒酌、燒酌特飲、果實酒、日本啤酒、乳酸梳打、汽水……等等。 
15 瀏覽
0 讚好
0 留言
17 瀏覽
0 讚好
0 留言
19 瀏覽
0 讚好
0 留言
雖然,店家都備有熱茶,但食燒肉就唔可以唔點番杯凍飲。而所有落單,都掃二維碼,自行落單,一路點,一路同你計住總數,又可以查番點過啲乜嘢,一目了然,唔難用。當然,唔熟嘅,可以搵店員幫幫手! 
2 瀏覽
0 讚好
0 留言
青森蘋果乳酸梳打 $42

白桃口味喺最心水,但之前都飲過好幾次類似嘅梳打,今次就試試青森蘋果,揀咗走冰,但一樣入口咁清涼,而味道又幾唔錯喎,有陣陣蘋果香,乳酸梳打帶嚟嘅清爽感,一口燒肉,一口梳打,真喺好過癮。
青森蘋果乳酸梳打
$42
3 瀏覽
0 讚好
0 留言
白桃乳酸梳打 $42 

老友本來想飲可樂,我就推薦佢試吓白桃口味,一來飲乳酸梳打都有飲汽水嘅感覺,二來白桃口味應該會幾清甜,配搭啲濃味食物應該都好夾,結果,老友當然話好飲啦,又夠晒大杯喎。
白桃乳酸梳打
$42
2 瀏覽
0 讚好
0 留言
一切準備就緒,用餐餐具、燒肉夾都整齊排列好。而醬汁分別有油醋汁、燒肉汁及醬油,基本上今日所點嘅幾款肉都醃過,可以唔使點用,不過,用咗就更加惹味啲。如需要鉸剪,都可以問店員攞,此外,換網可以用二維碼當落單咁做,而店員不時亦會主動幫忙換網
3 瀏覽
0 讚好
0 留言
而店員亦會先送上一小碟「豬膏」,咁唔講都明做咩啦,相信唔會有人就咁當前菜夾嚟食啩,哈哈。
豬膏
3 瀏覽
0 讚好
0 留言
豬膏
3 瀏覽
0 讚好
0 留言
生菜 $28

先介紹呢個「生菜」,晌餐牌中,估佢唔到喺列為人氣之選架,作用就喺好似食韓式烤肉咁,用嚟夾住啲燒肉一齊食,可以減減油膩度。不過,稱之為人氣之選,亮點反而喺因為附有一小碟特製嘅味噌,唔會好鹹,仲帶少少甜,幾襯
生菜
$28
1 瀏覽
0 讚好
0 留言
大判燒!黑毛和牛西冷 $178

網上查一查,大判燒(日式燒餅)喺由於形狀類似日本過去嘅橢圓形金幣「大判」而得名,當然唔喺有件「大判燒」伴碟啦,而喺有隻溫泉蛋跟埋,俾啲燒肉沾嚟食。睇到件黑毛和牛西冷就已經好興奮,色澤鮮紅且有光澤,油脂十足且平均,簡單搽咗少少醬油,基本上,每一面輕烤廿秒左右就已經食得。沾上蛋漿,令入口更滑溜,西冷特點就喺既有肉香,又有油香,又加埋少少蛋香,真喺大滿足。
大判燒!黑毛和牛西冷
$178
2 瀏覽
0 讚好
0 留言
大判燒!黑毛和牛西冷
2 瀏覽
0 讚好
0 留言
大判燒!黑毛和牛西冷
3 瀏覽
0 讚好
0 留言
牛板腱肉 $98

牛肉方面,仲揀多一款牛板腱肉試試,雖然唔及件西冷咁多油脂,但啲油花分佈一樣又靚又平均。又喺唔需要燒太耐,先試一片原味淨食,充滿油香而不過火,細嚼肉質質感好細緻;再嚟就以生菜包住食,加埋啲特製味噌醬,果然特別惹味,味道更豐厚。
牛板腱肉
$98
3 瀏覽
0 讚好
0 留言
牛板腱肉
3 瀏覽
0 讚好
0 留言
牛板腱肉
2 瀏覽
0 讚好
0 留言
牛板腱肉
3 瀏覽
0 讚好
0 留言
黑毛豚脛肉 $88

豬肉方面,揀咗一款豚脛肉,其實即喺我哋慣叫嘅豬頸肉,所以,原件嘅豚脛肉帶有好多白紋,簡單以鹽同黑椒調味。豬肉就燒耐少少,一來穩陣啲,二來做到少少焦香效果,咬落口感爽爽哋,入口唔肥;此外,亦有加生菜同味噌醬一齊食,立時增加咗啲清爽感。
黑毛豚脛肉
$88
3 瀏覽
0 讚好
0 留言
黑毛豚脛肉
4 瀏覽
0 讚好
0 留言
黑毛豚脛肉
3 瀏覽
0 讚好
0 留言
黑毛豚脛肉
2 瀏覽
0 讚好
0 留言
若雞雞腿 $78

呢款「若雞」一啲都唔弱雞,雖然未有上網去查證呢款雞種,但食得出具質素。雞腿肉專登切到連埋皮,又喺簡單以鹽同黑椒調味,燒得外皮金黃,咬落,外皮甘脆,啲肉非常鮮嫩而富肉汁。
若雞雞腿
$78
4 瀏覽
0 讚好
0 留言
若雞雞腿
2 瀏覽
0 讚好
0 留言
若雞雞腿
2 瀏覽
0 讚好
0 留言
海鮮盛合 $178

豬牛雞都樣樣試啲,喺時候輪到海鮮,海鮮盛合就最划算,一份盛合有3款海鮮:帆立貝、海老同烏賊,而且,睇都見唔喺啲平價貨色。
海鮮盛合
$178
2 瀏覽
0 讚好
0 留言
先燒海老,即喺大蝦,啲蝦好大隻,唔喺蝦毛仔。蝦頭有少少蝦膏,而蝦身肉質好爽彈,好有鮮蝦味,沾少少醬油更能提鮮。
海老
2 瀏覽
0 讚好
0 留言
海老
2 瀏覽
0 讚好
0 留言
海老
2 瀏覽
0 讚好
0 留言
跟住燒烏賊,即喺魷魚,每件魷魚都鎅晒花,所以,燒完之後特別靚仔。唧啲檸汁落去,好鮮爽,而入口口感非常軟熟卻帶點點煙韌感。
烏賊
2 瀏覽
0 讚好
0 留言
烏賊
2 瀏覽
0 讚好
0 留言
最後嘅帆立貝,喺連牛油粒一齊烤,讓其吸收牛油香,之後,我哋再放上烤爐上燒一燒。啲帆立貝雖然燒完唔喺好大粒,但入口算喺鮮甜,又彈牙。
帆立貝
3 瀏覽
0 讚好
0 留言
帆立貝
1 瀏覽
0 讚好
0 留言
野菜拼盤 $68

食咁多肉,唔搵啲野菜平衡吓,心裡會充滿罪惡感。點拼盤就最好嘅,一份拼盤有成5款蔬菜,包括冬菇、雞脾菇、粟米、洋蔥同南瓜。每款蔬菜都具質素,粟米怕燒乾都未熟,喺烚過嚟,因為送到嚟之時見其少少冒煙。
野菜拼盤
$68
3 瀏覽
0 讚好
0 留言
野菜拼盤
2 瀏覽
0 讚好
0 留言
野菜拼盤
2 瀏覽
0 讚好
0 留言
石燒肉泡菜鍋飯 $88

擔心大家唔夠飽,所以,臨尾點一客韓式石鍋飯。呢個抵食喎,因為都算幾大鍋,可以分到3-4碗。睇樣都知有好多餸料:泡菜、茶樹菇、菠菜、大豆芽、燒肉碎、紫菜、雞蛋,將所有材料拌勻,味道自不然豐富有層次,飯粒又好軟熟,唯可惜未有飯焦啫。
石燒肉泡菜鍋飯
$88
3 瀏覽
0 讚好
0 留言
不愧鹿兒島產靚和牛,啲牛肉確喺有質素,而其他嘅食材亦唔失禮,加上招呼到位,環境又闊落舒服,自不然大家都食得稱心歡喜啦。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$325 (晚餐)
推介美食
大判燒!黑毛和牛西冷
$ 178
牛板腱肉
$ 98
若雞雞腿
$ 78
海鮮盛合
$ 178
野菜拼盤
$ 68