將軍麵館 (已結業)

我每星期都會有一天晚上經過這條街，已經光顧此麵店有好幾次，他們標榜老北京味道，我不是北京人，不知道他們其實正宗不正宗，但憑店名同麵食嘅種類已經好有北方風味如醬豬手、江湖肥腸、厚切牛𦟌等。我今晚點左江湖肥腸粗麵加蘿蔔配凍檸茶$54。呢度啲麵係白身手拉麵，有粗幼兩款選擇，有嚼勁，份量多，我有時候會食唔晒D麵，蘿蔔大大嚿無渣好清甜👍🏻，肥腸唔算肥不過好入味。另店家準備咗兩款辣醬，一款黃色一款橙紅色，侍應姐姐話一款係辣，一款係酸辣，但我搞唔清兩者分別，不過我覺得橙紅色果款係辣D，兩款味道偏咸，同埋辣度都幾辣，食得辣可以一試，可能係北京風味來源😅環境算光猛整潔，唔會坐到好迫夾。服務你唔有期望吧？！😂