清真牛肉館 (龍崗道) (已結業)

想起已好耐無去清真牛肉館食野，於是禮拜日專登去九龍城擦番餐！約晚上七時幾去到龍崗道總店，一如意料中全店爆滿，門口等候的也有十多人。等了約十多分鐘已可入座，不用說，去過的都知道唔慌會坐得舒服的了。今次較為失望的是羊暔咁早已沽清，真係無引。跟住點左咖喱牛腩、牛肉水餃、雞絲粉皮、酸辣湯、蔥油餅等，當然唔少得招牌菜既牛肉餅啦！先講咖喱牛腩，今次的牛暔炆得太老，都好韌下，而咖喱汁就依然好好味。那個牛肉水餃比較差，皮厚而硬而餡內的牛肉淡而無味。雞絲粉皮算係唔錯，但芝麻醬稍嫌少左D，叫侍應加一些則換來黑面對待！酸辣湯今次覺得好稀下，味道也偏淡一些。蔥油餅完全失晒水準，煎得唔夠香之餘，粉也太多及太厚了吧！最好食依然牛肉餅，肉汁豐富兼好味，最後要再叫多一客先夠喉呀！總括而言，今次真係有D失望！食唔到羊腩不特止，食物水準真係差左一些。最後值得一提就係佢地趕人走的手法真係令人反感！我地面前D野未食完，侍應問也不問便企圖收走，而且仲接二連三咁做，要喝佢先放番低！我明白出面好多人等位，店方唔想人坐咁耐霸住D位，但係最少係咪都要等客人食完先去收碟呢？講真，這裡地方小，坐得又逼加上冷氣唔夠，我都想食完快D走人，叫我