大記攦粉糕點專門店 (已搬遷) 新店位置

由於之前O係OR成日見到D網友話呢間D糕好食, 所以專成同男友仔黎試下...先叫左芝麻糕, 蘿蔔糕, 切雞攦粉同挸水糉, 之後唔多夠喉, 所以再叫多件蘿蔔糕, 芋頭糕加兩粒鯪魚球...芝麻糕 - 其實本來我都唔係話好鍾意食, 但見OR D人多數都會試呢個同蘿蔔糕, 所以叫左一件試下, 果然有驚喜.... 好芝麻, 但又唔會太甜, 食完再想食多件 ^^蘿蔔糕 - 好好味, 好多蘿蔔, 仲煎得好脆! 所以忍唔住要叫多件...挸水糉 - 麻麻地, 可能我唔鍾意太多連蓉既關係, 覺得太漏...切雞攦粉 - D雞好有雞味, 好新鮮既感覺. D粉好彈牙. 抵食!!芋頭糕 - 好多芋頭粒, 亦都係好脆. 不過不失!鯪魚球 - 因為我唔鍾意食鯪魚球, 男友仔問下伙計可唔可以只叫兩粒, 又OK喎~~男友仔話D鯪魚球好正, 好彈牙, 好脆, 好好味!!總括黎講, 呢餐真係平靚正!! 下次會再黎~~~^^