十二味 (銅鑼灣道) (已結業)

去過好多間十二味食川菜。今日在銅鑼灣道吃。呢間店面比較小，裝修好中國風，紅燈籠和熊貓最具有代表性。呢間可以選擇啲菜品比較少。冇我鐘意嘅水煮魚，我哋只好嗌左一份人見人愛酸菜魚（配粉條）。整份魚好大份，一上檯佔左成個檯面。配料有萵筍，雞尾菇，蘿蔔片，寬條紅薯粉。魚係好新鮮嘅生魚，魚肉嫩滑，冇骨。片片都好大塊，份量又多，夠2個人食，食好滿足。寬條紅薯粉都好多，粉好嫩滑，好彈牙。酸菜魚嗌左小辣，其實都唔辣，湯都可以飲，酸酸辣辣，好開胃。