影片
更多
2024-07-11
1230 瀏覽
用咗OpenRice 十幾廿年，令到我要花時間評論嘅第一間餐廳！食物方面，正正常常，冇太大驚喜，亦都唔係差，呢方面我都覺得合理，因為以鐵路做主題，食物相對似車上便當，簡單款式為主，價錢都合理。店面設計係幾唔錯，模擬喺火車上面用餐嘅環境，周邊有screen播放車外日本嘅風境，idea好唔錯，吸引咗我特登嚟尖沙咀食。服務質素，差！好耐冇遇過咁「出色亅嘅表現！首先佢哋唔係語氣好差，係安排差，同埋遇着一個睇人恰嘅店員。首先我哋係下午茶時段入去，人數極少，店裏面有分內外兩種位置，內係模仿卡車內裏佈局，我哋兩個人喺門口詢問店員可唔可以坐入面，店員回覆入面需要預約先可以安排，咁我就問，預約係而家full咗冇位坐，定係可以即時約安排？佢叫我哋等一陣幫我哋問吓（呢個店員服務態度幾好，雖然有啲新手唔識處理，但可接受）然後另一個店員過嚟就直接話帶我哋坐外面，我都仲係好好語氣問，啱啱另一位店員話幫我哋問吓可唔可以安排坐入邊，跟住佢話唔得😆我哋話咁唔使啦，我哋去第二度再睇吓食咩食。之後即刻話得帶我哋入去，然後唔明點解要特登同我哋講一句：「咁你都要俾時間我執一執張枱㗎。」OK咁我哋繼續企喺出面等，之後佢入咗去車卡
食物方面，正正常常，冇太大驚喜，亦都唔係差，呢方面我都覺得合理，因為以鐵路做主題，食物相對似車上便當，簡單款式為主，價錢都合理。
店面設計係幾唔錯，模擬喺火車上面用餐嘅環境，周邊有screen播放車外日本嘅風境，idea好唔錯，吸引咗我特登嚟尖沙咀食。
服務質素，差！好耐冇遇過咁「出色亅嘅表現！首先佢哋唔係語氣好差，係安排差，同埋遇着一個睇人恰嘅店員。
首先我哋係下午茶時段入去，人數極少，店裏面有分內外兩種位置，內係模仿卡車內裏佈局，我哋兩個人喺門口詢問店員可唔可以坐入面，店員回覆入面需要預約先可以安排，咁我就問，預約係而家full咗冇位坐，定係可以即時約安排？佢叫我哋等一陣幫我哋問吓（呢個店員服務態度幾好，雖然有啲新手唔識處理，但可接受）然後另一個店員過嚟就直接話帶我哋坐外面，我都仲係好好語氣問，啱啱另一位店員話幫我哋問吓可唔可以安排坐入邊，跟住佢話唔得😆我哋話咁唔使啦，我哋去第二度再睇吓食咩食。
之後即刻話得帶我哋入去，然後唔明點解要特登同我哋講一句：「咁你都要俾時間我執一執張枱㗎。」OK咁我哋繼續企喺出面等，之後佢入咗去車卡，用一個唔係幾良好嘅態度，敲敲枱叫我哋入去，入到去以為係等執上一個客嘅枱，原來係喺一張已set好嘅4人枱收起2份餐具。即刻都忍唔住問佢，你又叫我哋俾時間你執枱，咪企出面等囉，咁你又叫我哋入嚟，係咪即係可以坐得低呀？究竟係要睇你邊樣安排呀？
唔知係替工定係新人冇train過，個問題唔係有冇經驗，係連同人基本嘅溝通都唔OK！主題裝修咁好selling point但係Service真係搞唔掂！
張貼