牛涮鍋もっと (已結業)

牆上貼著提醒顧客珍惜食物、食幾多拎幾多既告示，但執行起黎就係寧願浪費食物，都要死守規則，可能係想賺多D錢掛。
雖然知道火鍋限時個半鐘，但都唔洗一夠鐘就掃人走架！檯上面仲有一碟菜兩碟肉，火鍋入面仲有少少野食，其實比多少少時間我地就食得晒，講真我地幾個都未飽。但職員就係咁趕我地走。又唔係話多顧客排隊，隔離D檯成排都空既。又唔係趕收工，個陣都只係九點多D。

最後十五分鐘個陣收我地錢順便幫我地落last order，我地都只係加左兩碗雞蛋牛肉，但一路都未黎，黎到之後過兩分鐘D牛都未食晒就叫人走，痴線既咁急你食比我睇呀！
講真雖然食物味道唔錯，環境都OK，但我打過咁多間邊爐都係第一次係無咩客既情況下比人趕，心情非常差，下次一定唔會再食呢間！