玖拾烘焙 (已結業)

人氣 Bagel店Nineties Bakery終於都開咗實體店啦！店舖位於新蒲崗Mikiki對面，好易就搵到～多款Bagel任君選擇，最鍾意就係麻糬貝果！！今次一次過掃咗三個Bagel返屋企慢慢歎～抹茶紅豆麻糬抹茶同紅豆一定係絕配！！仲有加埋我最愛既麻糬，微微茶香再夾雜顆粒紅豆，貝果口感煙煙韌韌，口感層次極豐富！雙重朱古力乳酪用焗爐焗返熱，食落外脆內軟，有嚼勁，朱古力味相當濃厚，加入Cream Cheese特別軟糯！伯爵無花果乳酪帶伯爵茶香，夾雜無花果香同Cream Cheese，餡料好足，食落又夠煙韌，值得一試！