每次來🚇旺角呢間人氣越南菜餐廳「NAM VIỆT NAM CAFÉ」都幾有新鮮感😃，因為佢哋係主打創意🇻🇳南越Fusion菜嘅。
餐廳環境都好寬敞舒適🛋️，周圍擺放咗好多綠色植物🌿同埋隻巨型熊公仔🐻，感覺幾Chill😌，好適合同朋友嚟聚會或者情侶撐枱腳💑。
首先飲品我哋叫咗杯Citrus Blossom🍹，入口清新，帶有淡淡嘅柑橘香🍊，好開胃！仲有蜜桃青蘋果玫瑰花茶🌹，係用名牌茶包沖嘅，呢杯茶味道好特別✨，蜜桃同青蘋果嘅甜酸味夾埋玫瑰花嘅清香，飲落好舒服，解膩一流👍！
越式發酵茶葉沙律🥗幾有驚喜感，平時好少食到呢種口味嘅沙律，發酵茶葉🌱帶嚟一種獨特嘅酸香，配搭埋其他🥬新鮮蔬菜、番茄🍅同埋啲黃豆、蠶豆，口感豐富，味道層次分明，🤤食落好開胃！
扎肉心內美米紙卷🫓包住咗扎肉同新鮮蔬菜🥬，口感清爽，扎肉嘅鹹香同蔬菜🥕嘅鮮甜完美結合，點埋佢哋特製嘅醬汁，😋真係幾有特色，好啱夏天食☀️！
南越🇻🇳金絲網蝦春卷炸到金黃酥脆🦐，外層嘅金絲網好特別✨，咬落去卡滋卡滋好鬆脆🔥，入面嘅蝦肉彈牙鮮甜🍤，配埋甜酸汁，真係幾惹味😍。
NVN咖啡骨🍖真係好有特色，頂部有一大嚿雲朵型棉花糖☁️，佢哋會畀一個咖啡☕你自己倒入去溶咗佢。咖啡嘅甘香加上🥰棉花糖嘅甜美同埋排骨嘅肉汁完美融合，🥢排骨炆得好入味，肉質軟腍🍖，帶點咖啡嘅微苦同回甘，味道好有驚喜🤩，絕對係呢度嘅招牌菜之一👍，值得一試！
嚟到越南🇻🇳菜館，點可以唔試佢哋嘅粉麵呢？我哋叫咗碗嫲嫲南越湯招牌金邊粉🍜，湯底濃郁鮮甜，充滿咗南越風味，🥢金邊粉吸晒湯汁嘅精華💦，配料豐富，有多個部位嘅牛肉🥩同埋各種香草🌱，食落好滿足！
最後甜品富國島之椰子奶凍🥥都幾吸晴，上枱嘅時候💡閃曬燈噴曬煙🌫️咁。面頭白色嘅椰子奶凍口感滑溜🍮，椰子味香濃🌴，甜度適中👍，食落好清爽💫，底部仲有芒果🥭同埋柚子，層次豐富，為呢餐豐富嘅🇻🇳南越Fusion菜畫上完美句號。
