蘇媽.蘇媽馬來西亞茶餐室 (已結業)

第二次食蘇媽蘇媽，間舖頭裝修好特別，食飯就好似去咗轉馬來西亞旅行🧳咁，最愛嘅係佢嘅多醬咖央多士，啲醬多到就瀉晒落嚟咁濟，除左多士，蘇媽嘅其他嘢食同野飲都好出色😋～🍗百吉爹肉骨茶 - 棒棒骨 💰92（7/10）呢度嘅肉骨茶幾好飲🥣，加入左中藥材例如當歸、川芎等去熬煮，藥香味好重，肉骨茶湯頭顏色好重，肉骨茶可以任添，飲完可以叫姐姐再舀，但我飲完2碗已經覺得飽飽地😂，跟住再食肉，個人覺得棒棒骨一般，肉質冇想像中咁嫩滑，咬落去比較粗糙🍜檳城白咖喱米線 💰58（6.5/10）呢度嘅白咖喱味道偏淡，有淡淡的奶香🥛，配菜有芽菜、幾彈牙嘅魚蛋、豬紅、蝦🦐，份量都幾足，但個人認為可以濃味啲，米線都唔太入味，吸收唔到湯底嘅精華🥪椰香咖央多士 💰32（9/10）一塊多士切成四小件，入邊係由椰奶、雞蛋🥚同糖去煮成嘅咖央醬，加入咗斑蘭葉🍃來增加香味，食到有陣陣椰香同埋斑蘭香，雖然甜度有少少過甜，但都好好食🧉椰汁班蘭冰 💰36（9/10）呢個椰汁斑蘭冰睇圖就好想試，個人覺得好好飲，鮮綠色打卡一流，濃濃嘅椰奶香味同輕輕嘅班蘭香超夾，甜度恰當，入邊仲有西米，好似飲緊有斑蘭香嘅椰汁西米露咁，口感好特別好清新～