Mamaday (已搬遷) 新店位置

一早已經bookmark呢間人氣餐廳，估唔到平日嘅中午都咁full，好彩我地一早12:00去到，唔係就要等位lu。呢度嘅餐牌好搞鬼，食物名好得意。啖啖蟹肉......你就想～墨汁海鮮比薩一上枱見到鋪滿木魚同埋金黃芝士，香氣四溢。材料豐富，除咗鋪滿一絲絲嘅蟹肉，仲有魷魚、八爪魚仔、櫻花蝦。食落口有軟綿綿的拉絲芝士，芝士的鹹香配上千島醬，加上海鮮的香味，連埋薄薄脆脆的Pizza皮，口感味道都一流。有蟹Go又有蟹肉的蟹蟹蟹意大利扁意粉一上枱已經聞到香蒜味，好香口惹味。除咗面頭的兩隻蟹鉗，扁意粉仲伴入咗好多蟹肉同埋蟹子，軟硬亦都適中，係偏硬的有咬口質感，入晒蒜油同洋蔥的香味，真係食到舔舔脷。唔甜的紫薯蛋糕呢個紫薯蛋糕係限量，顏色好靚，真係名乎其實嘅唔會甜，食到紫薯原來嘅香甜。食落口先是軟綿綿的紫薯泥，然後係幼滑嘅的紫薯慕絲蛋糕，最後係微脆的消化餅碎底。美式咖啡最後食飽飲番杯冰凍嘅黑咖啡，帶有果味的微酸，可以清清油膩。