阿里郎熱狗棒 (已結業)

之前已經興左好耐的韓式熱狗，每次經過都好想去試，因為真係好香!見店員都有推介叫SET幾抵，就叫左一個SET 係包2條熱狗，芝士波同埋年糕腸仔串。熱狗方面款式可以任簡，叫左個all in one 同埋 mozeralla and sauusagee，之後店員會問你加唔加糖。加左糖真係有比較好食D! ALL IN ONE 係有薯條粒係面，入面都有mozeralla cheese 同腸仔。醬汁係自己落，我落左ketchup 同埋honey mustard，個熱狗出面炸到好脆，而入面既面包又好SOFT，重點係超級拉絲架!!! 芝士fan應該會好鐘意! 芝士波原來都幾大粒架，食落有少少甜，好食! 朋友大力推介年糕腸仔串，重要係個汁真係幾好食，有少少似日式燒汁個種，而且年糕燒得好煙韌。我們仲外加左玫瑰汁年糕，呢個推介比唔食得辣既人，佢帶有好少的辣味，creamy版的年糕，入面仲有D魚糕~呢個價錢黎講都幾抵食!