PURADAK CHICKEN (金巴利街)

話說每次做完gym，最想食嘅就係炸！雞！
於是某日做完運動，我就真係約fd去食韓式炸雞，滿足吓欲（肉）望 。

爆粟黑波波超級拉絲！食落啖啖甜香，有啲似麻糬口感。

爆粟芝士大棒同出面平時嘅芝士條好唔同，食落無咩鹹香而係甜甜哋，內餡除咗有啲似番薯軟糯口感 ，仲有飽滿芝士。

1

半半炸雞
一直想試嘅青陽辣椒mayo味都幾惹味，愈食愈辣，重口味得哋我幾鍾意。 
corn-so amazing 清爽啲，調味就係粟米味粉，無醬無咁heavy，仲有兩嚿粟米🌽 

呢間嘅炸雞用先焗後炸方法烹調，肉質唔乾，上枱熱辣辣，今次試咗一直想食嘅青陽辣椒味，下次想試埋另一款招牌—秘製黑炸雞，因為朋友試過話呢隻味好食。

1

兩個人食到超飽，適合約多啲朋友嚟食，炸雞份量都大，估唔到係平日星期一晚成間餐廳都坐滿人，仲有啲韓國人嚟食，睇嚟好受歡迎。