阿里郎熱狗棒 (已結業)

高人氣外賣店阿里郎主打韓國街頭小食熱狗棒，開業以黎不斷推出新口味，我同老公都好鍾意食🥰見到佢地出左唔同套餐同新產品，即刻去捧個場！🔸 任意4個熱狗組合熱狗棒款式花多眼亂，想試多幾款呢個套餐就啱哂🤤揀左薯條鴛鴦芝腸、雙重芝士拉絲、芝薯拉絲同鴛鴦芝腸：最愛薯條鴛鴦芝腸有齊鍾意既元素，薯粒包住芝士同腸仔，每一啖口感都豐富😍老公就最鍾意雙重芝士，車打加水牛芝士拉絲效果更強，唔單止可以沾上砂糖提升鮮味，店內仲有大量醬汁俾你慢慢DIY🥰🔸 乜都有套餐呢個套餐有齊自選熱狗冬甩同特飲🙆🏻‍♀️星星熱狗表面佈滿蜜糖星星，裏面包住水牛芝士，甜甜地好特別！伯爵茶味冬甩同樣高質，鬆軟冬甩入面係滿滿伯爵茶餡料，唔太甜幾好味。最驚喜既係柑橘碳酸水🍊成個橙放飲品上面唔止打卡靚，每一啖都飲到大量果肉，同微甜碳酸水配搭消暑一流☀️