阿里郎熱狗棒 (已結業)

喺旺角成日經過呢間舖頭都好想試，今次同朋友決定一齊試吓🤣當日下晝一點幾去到，舖頭都幾多人等緊，同朋友叫咗個2號熱狗同埋8號熱狗，兩款熱狗個表面都炸到好脆，舖頭仲有唔同醬汁同埋調味料比你自己落，非常貼心！所有熱狗都係即叫即炸，食落去熱辣辣，非常一流，兩款熱狗咬落去嘅時候都做咗拉絲嘅效果🥰，個人比較鍾意食2號熱狗多啲，出面有一啲薯條粒，令到熱狗食落去嘅口感更有層次🤣除咗熱狗之外，舖頭仲有一啲特別嘅小食，我哋叫咗個芝士波波試吓，芝士波波都炸得幾香口，味道正常，但係一定要趁熱食！另外我哋仲叫咗個炒年糕，呢度嘅炒年糕幾特別，係玫瑰炒年糕，年糕食落去煙煙銀銀，個人幾鍾意食佢個醬汁，配埋年糕一齊食幾惹味🤣最後叫咗兩款唔同嘅特飲，分別有蜜桃味同埋柚子味，飲品都幾大樽，個人幾鍾意蜜桃味，大家都可以試吓！