龍城冰室

營業中

休息中

人氣茶餐廳「龍城冰室✨」，食物夠晒港式，夠晒地道，各式各樣嘅港式炒粉麵、常餐、焗飯、咖喱、西多士等等，款式多，價錢大眾化，難怪成日都有人排隊等位。「銀芽肉絲炒麵」麵條炸得香脆，銀芽嘅清脆口感同肉絲嘅鮮嫩完美結合，配上芡汁，好味😋「乾炒牛河」牛肉厚薄適中夠嫩滑，河粉色澤一流，夠晒鑊氣，唔會太油膩，出色。常餐係茶餐廳必點，火腿通粉湯底香濃，火腿奄列輕柔滑順，再加上丹麥多士，非常鬆軟，配埋港式奶茶，夠晒地道好味。「花生醬西多士」🥜西多士入面有濃厚嘅花生醬，甜而不膩，好滿足！